Hækkun fæðispeninga frá 1. júní 2009
Frá og með 1. júní 2009 hækka fæðispeningar hjá sjómönnum á fiskiskipum um 17,5%. Er þetta í samræmi við hækkun á matar og drykkjarvörum í vísitölu neysluverðs frá maí 2008 til maí 2009. Sjá nánar í kaupskrá sem gildir frá 1. júní 2009.
Breyting á fiskverði þann 1. júní 2009
Á fundi þann 28. maí síðastliðinn ákvað úrskurðanefnd sjómanna og útvegsmanna að hækka viðmiðunarverð á slægðri og óslægðri ýsu og karfa í beinum viðskiptum um 10%. Hækkunin á framangreindum fisktegundum tekur gildi þann 1. júní 2009.
Frá og með 1. apríl 2009 lækkar viðmiðunarverð á þorski og ýsu en hækkar á karfa
Úrskurðarnefnd sjómanna og útvegsmanna hefur ákveðið að lækka viðmiðunarverð á slægðum og óslægðum þorski í beinum viðskiptum um 12% frá og með 1. apríl. Viðmiðunarverð á slægðri og óslægðri ýsu lækkar um 3% frá sama tíma. Viðmiðunarverð á karfa í beinum viðskiptum hækkar hins vegar um 10% frá og með 1. apríl.
Sturla GK 12 sigldi á Grimsby og seldi hluta aflans í dag
„Það eru einhver ár frá því íslenskt fiskiskip landaði þarna síðast,“ segir Eiríkur Tómasson, framkvæmdastjóri Þorbjarnar hf. í Grindavík, en skip félagsins, Sturla GK 12, seldi í dag 65 tonn af blönduðum afla á fiskmarkaði í Grimsby. Meðalverðið var 264 kr. á kíló. Að sögn Eiríks nam heildarverðmæti afla dagsins 17 milljónum króna. Þorskur fór […]
Viðmiðunarverð á þorski og ýsu lækkar frá 1. mars
Úrskurðarnefnd sjómanna og útvegsmanna ákvað að lækka viðmiðunarverð á slægðum og óslægðum þorski í beinum viðskiptum um 15% frá 1. mars. Frá sama tíma lækkar viðmiðunarverð á slægðri og óslægðri ýsu í beinum viðskiptum um 10%. Viðmiðunarverð á karfa er hins vegar óbreytt.
Viðmiðunarverð á þorsi og ýsu lækkar frá 1. febrúar
Á fundi Úrskurðarnefndar sjómanna og útvegsmanna í gær, 2. febrúar, var ákveðið að lækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 10%. Verð á slægðri og óslægðri ýsu var lækkað um 5%. Verð á karfa var ákveðið óbreytt. Verð þetta gildir frá og með […]
Atvinnumálanefnd ASÍ boðar til fundar
Atvinnumálanefnd ASÍ boðar til fundar um Evrópusambandsaðild og sjávarútveg fimmtudaginn 22. janúar kl. 13:00-16:00, fjórðu hæð Sætúni 1.
Aflamark í þorski aukið um 30.000 tonn
Einar K. Guðfinnsson sjávarútvegs- og landbúnaðarráðherra hefur gefið út reglugerð þar sem hámarksafli í þorski er aukinn um 30 þúsund tonn. Heildaraflamark verður því 160 þúsund tonn á yfirstandandi fiskveiðiári, í stað 130 þúsund tonna sem áður hafði verið ákveðið.” Þetta kemur fram í fréttatilkynningu frá sjávarútvegs- og landbúnaðarráðuneytinu. Í tilkynningunni segir einnig: „Með þessari ákvörðun […]
Atkvæðagreiðslu um kjarasamninginn lokið
Lokið er talningu úr atkvæðagreiðslu aðildarfélaga SSÍ um kjarasamninginn sem gerður var 17. desember síðastliðinn milli SSÍ og LÍÚ. Þátttaka í atkvæðagreiðslunni var frekar dræm. Alls kusu 388 sjómenn um samninginn, en á kjörskrá voru 1971 sjómaður. Athvæði féllu þannag að já sögðu 329 eða 84,8% af þeim sem kusu. Nei sögðu 45 eða 11,6%. […]
Aðalfundur
Aðalfundur Sjómanna og vélstjórafélags Grindavíkur var haldinn í gær mánudaginn 29 desember á Sjómannastofunni Vör . Á fundinn mættu Aðalsteinn Leifsson Lektor við HR sem flutti erindi um ESB og Sævar Gunnarsson formaður SSÍ sem fjallaði um nýgerðan kjarasamning á milli LÍÚ og SSÍ.Á milli 40 og50 manns sóttu fundinn.Kosning um kjarasamninginn stendur til 06/01/09 og er […]